Mirë se erdhët tek "Bijtë e Shqipes"

Shoqatë Atdhetare-Kulturore Shqipatre-Amerikane 

me qëndër në Filadelfia.

Treguesi   l   Thirje   l   Statuti   l   Informacione   l   Kontaktim  l  Fotografi

 

 

Figura të shquara 
të popullit tonë

     Është shumë kuptimplote dhe domethënëse shprehja e heroit tonë kombëtar, Gjergj Kastriotit - Skenderbeu, thënë para popullit dhe luftëtarëve të Krujës, në atmosfërën e gëzueshme të shporjes së turqve dhe ngritjes së flamurit të kuq me shkabën e zezë dy krenore: "Lirinë nuk ja u solla unë, atë e gjeta, ja këtu midis jush". Kjo tregon edhe një herë se populli ynë nuk e ka kërkuar lirinë nga të tjerët por atë e ka patur në gjakun e vet. 
      Në historinë qindravjecare të popullit tonë, ka patur edhe pushtim e roberi, madje edhe për periudha të gjata, sic ishte rasti i pushtimit pese shekullor osman, por ai asnjëherë nuk është nënshtruar. Ka qënë edhe i shkatëruar edhe i plackitur nga luftrat e shumta, por asnjë cast nuk ka qënë i dëshpëruar dhe me kuriz të krusur para armiqve te vet. Gjithmon me urtesi, me durim, me këmbëngulje është rimëkëmbur dhe ka vazhduar përsëri luftën për liri. 
      Në këtë histori të vet kane spikatur në të gjitha kohrat njerëz të mendjes e të forcës, të penës e të pushkës, të cilët me zgjuarsi e zotësi kanë drejtuar e udhehqur popullin tonë, i kanë treguar atij rrugën që duhet të ndjeki, ja kanë ndricuar këtë rrugë dhe kanë qënë ata të parët që kanë treguar se si mund të ecet për të qënë të lirë e të pavarur. 
      Këto figura të shquara, që nuk i kanë munguar asnjëherë popullit tonë, e kanë zanafillën qysh nga lashtësia dhe deri në ditët tona populli ynë nuk ka reshtur së nxieri nga gjiri i tij këta njerëz që e kanë nderuar në çdo kohë. Emrat e tyre janë si një kurorë e artë që ky popull mban mbi kokë.
      Duke filluar qysh nga lashtësia dhe deri në ditët e sotme, ja disa prej tyre:
      Pirua i Epirit (sundoi në vitet 297-272 p.e.r). Sundimtar i shkathët, fuqizus i shtetit epiriot, autoritet politik dhe ushtarak që e bëri mbretërin e Epirit, në fillim të shek.II p.e.r, shtetin më të fuqishëm të Ballkanit.
      Bardhyli (sundoi në vitet 393-359 p.e.r). Ndër udheheqsit e parë të shtetit Ilir, mbreti i fisit të Enkeleasve, themelues i shtetit të parë në të gjith trevat e shtrirjes së Iliris, organizator i zoti.
      Agroni (sundoi në vitet 250-231 p.e.r.). Mbret i fisit te Ardianeve, komandant i përgjithshëm dhe shumë i zoti.
      Teuta ( mbreteroi në vitet 230-228 p.e.r.). Zëvendësuesja e denje e Agronit, të shoqit të saj, mbretëresh ilire e dëgjuar për rivalizimin që i bëri perandorëve të mëdhenj romak, komandante e zonja.
      Jan Kukuzeli. Figurë e shquar e kultures bizantine, muzikant dhe këngëtar i madh i Kostandinopojës në shek. XI. 
      Gjergj Aranit Komneni (1376-1470). Sundimtar i përmendur i krahinave të jugut, zotërus i Kaninës dhe Himarës, Shpatit dhe Çermenikës, personazh historik në shek. XIV, pjesmarës dhe udhëheqës i shquar i luftës antiosmane.
      Gjregj Kastrioti-Skënderbeu (1405-1468). Kryeheroi jone kombëtar, strateg dhe burr shteti i madh, një nga figurat më të shquara të shek. XV në plan ndërkombëtar, njeri i mëndjes dhe i forcës, bashkues i shqiptarëve në luftë me fuqinë më të madhe të kohës, perandorinë osmane. 
      Marin Barleti (1460-1513). Luftëtar i shquar në mbrojtjen e qytetit të tij të lindjes,Shkodrës, njohës i thellë i letërsisë antike, intelektual humanist i shquar, shkrimtar, hartues i të pares vepër për Skënderbeun.
      Pjeter Bogdani (1625-1689). Shkrimtari më i shquar i letërsisë së vjetër shqiptare.
      Ali Pash Tepelena (1740-1822). Luani i Janinës, shqetësues i madh i Sulltanit të     Stambollit, nga figurat më të rëndësishme të histografis shqiptare, sunduesi i Shqipëris se mesme dhe të jugut në fund të shek. XVIII dhe fillim të shek. XIX. 
      Abdyl Frasheri (1839-1892). Patriot dhe atdhetar i shquar, udhëheqës i lidhjes shqiptare të Prizrenit.
      Naim Frashëri (1846-1900). Njeriu i shquar i penës shqiptare, bilbili i gjuhës shqipe, hartues i historis së Skënderbeut. 
      Sami Frashëri (1850-1904). Ideollogu më i shquar i lëvizjes sonë kombëtare, udhëheqës ideollogjik demokrat, mendjendritur prej dijetari, një nga personalitetet më të rëndësishme të rilindjes.
      Isa Boletini (1864-1916). Atdhetar i shquar, strateg popullor, organizator dhe udhëheqës i lëvizjes për clirim dhe bashkim kombëtar.
      Pashko Vasa (1825-1892). Udhëheqës i njohur i lëvizjes sonë kombëtare, ideollog dhe poet i Rilindjes Kombëtare.
      Naum Veqilharxhi (1797-1846). Ideollogu i parë i Rilindjes Shqiptare, mendimtar i shquar iluminist e veprimtar i shkollës shqipe.
      Sulejman Vokshi. Veprimtarë i shquar i Lidhjes Shqiptare të Prizërenit, luftëtar dhe udhëheqës i zoti në luftën për liri e panvarsi. 
      Kostandin Kristoforidhi (1827-1895). Levrues dhe studjues i shquar i gjuhës shqipe, veprimtar i Rilindjes Kombëtare, i arsimit dhe i kulturës.
      Ismail Qemali (1844-1919). Udhëheqës i shquar i lëvizjes kombëtare shqiptare dhe kryeministër i parë i Shqipërisë së panvarur, njeri me kulturë të gjerë, udhëheqës largpamës, nismëtar i përdorimit të shkronjave latine në alfabetin shqip. 
      Gjergj Fishta (1871-1940). I pari shkrimtar shqiptar i propozuar për cmimin "Nobel", prozator, poet e përkethyes, autor i "Lahuta e Malësis" e mbiquajtur "Iliada Shqiptare".
      Fan Noli (1882-1965). Artist dhe dietar, përfaqsues i shquar i letërsis demokratike mbas Rilindjes Demokratike, organizues dhe drejtues i revolucionit demokratik të qershorit 1924, kryetar i qeveris mbas këtij revolucioni, hartues i "Historis së Skënderbeut".
      Luigj Gurakuqi (1879-1925). Personalitet i shquar i jetës politiko-shoqërore dhe kulturore-arsimore shqiptare.
      Bajram Curri. Luftëtar i madh për liri e panvaresi, mbrojtës i flakët i trojeve tona. 
      Aleksandër Moisiu. Yll i shquar i teatrit shqiptar, një nga perlat botërore në këtë fushë.
      Nënë Tereza (1910-1997). Grua me zemër të madhe që sakrifikoj gjithshka për të lehtësuar barën e të vobektëve në të gjithë botën, Nënë e mbarë njerzimit, çimi Nobel për paqe. Shenjtërimi i saj flet për gjithshka.
      Ndre Mjeda (1866-1937). Një nga letrarët e shquar të letërsisë së pavarsis, luftëtar i idealeve kombëtare, autor i elegjis "Vji i Bylbylit".
      Avni Rustemi (1895-1924). Luftëtar i flakët i revolucionit demokratik në Shqipëri, deputet demokrat.
      Migjeni (1911-1933). Nga shkrimtarët më të shquar të letërsis shqiptare, pasqyrues i jetës së të varfërve, demaskues i sistemit të vjetër shoqëror, përfaqsues i shquar i realizmit kritik.
      Ismail Kadare (lidur më 1936). Shkrimtar nga më të famshmit në letërsinë klasike të shek. XX, është propozuar disa herë për cmimin "Nobel" në letërsi. 
      Dritëro Agolli (lindur më 1931). Shkrimtar i shquar i letërsisë tonë. 
      Po të vazhdonim kështu nuk do të kishim përfunduar dot sepse njerëzit e shquar të popullit tonë janë pa mbarim. 

 

  

 

Lashtësia

Mesjeta

Rilindja

Pavarsia

Pas Pavarsia

 

      Këta janë një pjesë e njerëzve të shquar shqiptar, lista e të cilëve është pa mbarim.
      Ju lutemi të gjith shikuesve që do të lexojnë materjalet e këtij websiti dhe që disponojnë të dhëna për njerëz të shquar shqiptar, na i dërgoni për ta plotësuar më tej këtë listë,duke kliluar këtu

----------------------------------

NJE PJESE E MATERJALEVE TE KESAJ FAQE JANE MARE NGA A.N.G.
FALENDEROJME A.N.G. PER NDIHMEN E DHENE, VEÇANERISHT Z. DENIS ZAVALANI